ديماكس جي تي

كيف تبي احد يجاوبك والسياره لسه نازله ومحد جربها اذا عن وكيلها حليو قطعها غالبا غاليه

نزلت من 2014 يالغاالي

سيارة من نزلت وهي جبارة وعجيبة 
اذكر  من موديل 2002     98 < نفس التصميم
وهي جبارة وحقت كرف وشركات 
شف منتدى مكشات اخوي  اهل البر هم يعرفون وبخصوص السيارة ما يحتاج لها شهادة 
وسمعت ن مكينتها تجي 3000 سيي سي  تيربو  وتوماتيك 

من ناحية فخامة فالجي تي فخمة وتجي جلد مطرز بشكل فااخر ومن ناحية مكدة فهي تكد كد وشوفها مع الشركات .. 

وننتظر باقي الأخوان يفيدونا بالسعر والمزايا والعيوب

ابو حاتم
السياره مجربه ولاغبار عليها
انا جربتها مره وكنت افكر فيها فيها كثير

من ميزاتها

 وقت ماتنزل فالطعوس والجبال وتكون معاك حموله كبيره
تاكد ان العزم جبار وراح تمشي 
تعطيك عزم دوران قوي على عدد دورات للمكينه قليل
ولاتحتاج الى عدد دورات كبيره عشان تخرج كامل قوتها

المكينه عمرها طويل جدا ضعف محركات البنزين
تانكي واحد 18 ريال يمشيك الف كيلو

من ناحية التحمل والكرف لاتشيل هم
المكينه نفسها حقت المديلات القديمه واعتقد انهم احتفظو فيها وركبوها على المديلات الجديده لان المكينه اثبتت قوتها وتحملها

العيوب
القومه ثقيله مره وغثيث
لان عدد الاحصنه قليل ولكن عيكون العزم قوي
عكس البنزين يكون عدد الاحصنه كبير لكن العزم اقل
صيانة الديزل معقده جدا ومو اي واحد يسويها لازم الوكيل او واحد متخصص  اللي اعرفه المكينه بدون بواجي تعتمد على طريقة اشعال الديزل على قوة ضغط  البستم مدري كيف الطريقه مو عارفها زين
فلتر الهواء لازم تهتم فيه اكثر من الزيت
لان الديزل يعتمد على الهواء اكثر من البنزين
لو عبيت ديزل من محطات بنزين مغشوشه فيه ماء راح تضرب الطرمبه وقيمتها فوق ال 13 الف
قريت عنها موضوع صارت مع واحد عبى ديزل من محطه وتوقفت السياره وبعد الفحص فالوكاله قالوا الديزل فيه مويه وقيمة الطرمبه غالي مره
^^^

الكلام ذا قريته يوم كنت ابحث عن مجربين الدي ماكس
يقولون صوت المكينه في المديلات الجديده اختفى وخفضوه مهر

بس بصراحه يوم جربت اشوف الصوت فضيييييحه  كركركركركر ينسمع حتى وانت جوا السياره

محطات الديزل اقل من محطات البنزين
وبيني وبينك تخاف من عدم نظافة الديزل او يكون مغشوش ويضرب لك الطرمبه

فيه فلترين للديزل لازم تتغير
مكينتها تيربو 3.0 سي سي

السياره مريحه ولينه سواء فالخط او وقت التطعيس

الصيانه لازم يلتزم فيها عند الوكيل

بخصوص الصوره اللي حاطها بصراحه وقفت الدي ماكس على الطبيعه تحس انها سياره رياضيه ماهو ونيت
يعني كشخه 

ماشاء الله بدت الناس تفتح عيونها على سيارات غير تويوتا 
عندك  ميتسوبيشي ال 200 6 سلندر ممتاز جدا .

وعندك نافارا 2015 يجي نفس حجم السيزو بس شكله جميل جدا

اللي حط ديس
شكلك من حقين تويوتا هايلوكس ابو كفرات خط ابيض !!!

مافيه مثل الدي ماكس في الكرف والتحمل والقوه
بس يبيله واحد يتعود على صوت الديزل وثقالته في القومه بس

والله ماأعرف عنها شي. ابد. 


لاكن كشكل. من وجهت نظري. 
كنق وأطلق من الهايلوكس. 

ونا تراي من ملاك الهايلوكس. 
لاكن قسم. ياشكلها وونصبها. أشوفها أطلق من الهايلوكس١٠٠٠.٠٠٠ مررررره. 
ومن ناحيت المكده. يفيدونك الأخوان. 

ودمتم. 

المهم السياره وضحتلك كل شي فيها
بس خل ولد عمك ينتبه لشغله

لايشتري اذا مافيه اي بي اس
حسب علمي ان اليمني والعيسائي ماجاب اي بي اس 
ووكالة باخشب جاب فل كامل مقاعد جلد وشاشه وكميرا واي بي اس واير باق بس في جده فقط
ترا السياره ثقيله مره وبدون اي بي اس ماراح تمسكها الفرامل 

بيض الله وجهك يا(شويخ من ارض مكناس ) لكن وش الفرق بين الديمكس الفل والديمكس الجي تي ولا هي نفس بعضها؟

سيارة لا يختلف عليها أثنين من أهل الخبرة في السيارات
توكل على الله الديماكس GT أو العادية 3.0 لتر
السيارة جمعت ما بين الجودة و الشكل و القوة و الإقتصاد
لكن مثل ما قال أخونا شويخ 
قارن بين المواصفات و الأسعار عند الوكلاء الثلاثة للآي سوزو
و هم :
اليمني / العيسى / و با خشب 

اهلا




كنت بشتريها قبل كم سنة لما كنت موظف

غمارتين دبل تماتيك كانت  90 الف وشوي

ولكن اخوي ما رضى اشتري شي نظام تاجير

بس ما قال لي المعرض انها ديزل !!!

لما كنت بشتريها كنت اضن انها بنزين

الديماكس جبارة لكن عيب الوكيل يجيبها بدون ABS ويدون ايرباقات